*હાલમાં, ગુજરાત હાઈકોર્ટે પૂર્વ ક્રિકેટર અને તૃણમૂલ કોંગ્રેસના સાંસદ યુસુફ પઠાણ વિરુદ્ધ સખત ટિપ્પણી કરી છે. કોર્ટે વડોદરામાં એક સરકારી પ્લોટ પર તેમનો કબ્જો છોડવાનો આદેશ આપ્યો છે. આ આદેશ અને કોર્ટની ટિપ્પણીએ કાનૂની અને જાહેર ક્ષેત્રે ચર્ચા જગાવી છે*.

ગુજરાત હાઈકોર્ટનો સખત આદેશ અને ટિપ્પણીઆ સમગ્ર મામલો 21 ઓગસ્ટ, 2024ના રોજ ગુજરાત હાઈકોર્ટના જસ્ટિસ મૌના એમ. ભટ્ટના ચુકાદા સાથે સામે આવ્યો. જોકે, આ આદેશ 2 સપ્ટેમ્બરે કોર્ટની વેબસાઈટ પર અપલોડ કરવામાં આવ્યો. કોર્ટે યુસુફ પઠાણની અરજીને ફગાવી દેતાં વડોદરા મ્યુનિસિપલ કોર્પોરેશન (VMC)ને તાત્કાલિક તે જમીન પરથી ગેરકાયદેસર કબ્જો હટાવવાનો આદેશ આપ્યો.

આ ચુકાદામાં, કોર્ટે ખાસ કરીને નોંધ્યું કે “સેલિબ્રિટી અને પ્રખ્યાત વ્યક્તિઓની જવાબદારી અન્ય લોકો કરતાં ઘણી વધુ હોય છે.” કોર્ટે ભારપૂર્વક જણાવ્યું કે જો કાયદાનું ઉલ્લંઘન કરનાર આવા વ્યક્તિઓને કોઈ છૂટ આપવામાં આવે તો તેનાથી સમાજમાં ખોટો સંદેશ જાય છે અને ન્યાયિક વ્યવસ્થામાં લોકોનો વિશ્વાસ ઓછો થાય છે. આ ટિપ્પણી સુપ્રીમ કોર્ટના એક અગાઉના ચુકાદા પર આધારિત હતી.

13 વર્ષ જૂનો કબ્જાનો મામલોઆ વિવાદ 13 વર્ષ જૂનો છે. માર્ચ 2012માં, યુસુફ પઠાણે વડોદરામાં તેમના બંગલાને અડીને આવેલો 978 ચોરસ મીટરનો સરકારી પ્લોટ ફાળવવા માટે અરજી કરી હતી. તેમણે સુરક્ષા કારણોસર આ પ્લોટની માંગણી કરી હતી. તે સમયે, વડોદરા મ્યુનિસિપલ કોર્પોરેશનની સ્ટેન્ડિંગ કમિટીએ રૂ. 57,270 પ્રતિ ચોરસ મીટરના ભાવે આ પ્લોટ તેમને ફાળવવાનો નિર્ણય કર્યો હતો, જેને જનરલ બોડીએ પણ મંજૂરી આપી હતી. જોકે, આ પ્લોટની ફાળવણી હરાજી વગર કરવામાં આવી હોવાથી, VMCએ રાજ્ય સરકારની મંજૂરી માંગી હતી. જૂન 2012માં, ગુજરાત સરકારે આ પ્રસ્તાવને ફગાવી દીધો, તેમ છતાં પ્લોટ પર યુસુફ પઠાણનો કબ્જો ચાલુ રહ્યો.વડોદરા મ્યુનિસિપલ કોર્પોરેશનની કાર્યવાહી અને પઠાણની અરજીલાંબા સમય સુધી આ મામલો શાંત રહ્યો, પરંતુ જૂન 2024માં વડોદરા મ્યુનિસિપલ કોર્પોરેશનના કમિશનરે યુસુફ પઠાણને સરકારી જમીન ખાલી કરવાનો નોટિસ પાઠવ્યો. આ નોટિસને પડકારતા પઠાણે ગુજરાત હાઈકોર્ટમાં અરજી દાખલ કરી.પોતાની અરજીમાં, પઠાણે દલીલ કરી કે આ મામલો 10 વર્ષથી વધુ જૂનો છે અને તેથી તેમને કારણદર્શક નોટિસ આપવી જોઈતી હતી, સીધો કબ્જો ખાલી કરવાનો આદેશ નહીં. તેમણે એમ પણ કહ્યું કે તેમને આ પ્લોટ વર્તમાન બજાર ભાવે ખરીદવાની તક મળવી જોઈએ. તેમના વકીલ, સિનિયર એડવોકેટ યતિન ઓઝાએ દલીલ કરી કે VMCએ 12 વર્ષ સુધી કોઈ કાર્યવાહી ન કરી અને અચાનક 2024માં સીધો આદેશ આપ્યો. તેમણે એ પણ દલીલ કરી કે પઠાણના લોકસભા સાંસદ બન્યા પછી આ કાર્યવાહી શરૂ થઈ અને તેનો સમયગાળો શંકાસ્પદ છે.કોર્ટનો આખરી નિર્ણયજોકે, VMCના વકીલ મૌલિક નાનવાટીએ કોર્ટમાં કહ્યું કે પઠાણ પાસે જમીનનો કોઈ કાયદેસર અધિકાર નથી કારણ કે ન તો તેમને ફાળવણીનો આદેશ મળ્યો છે કે ન તો કોઈ ચુકવણી થઈ છે. તેમણે સ્પષ્ટ કર્યું કે લાંબા સમય સુધી કબ્જો રાખવાથી સંપત્તિ પર કોઈ અધિકાર મળતો નથી.આખરે, કોર્ટે પઠાણની અરજીને ફગાવી દેતા સ્પષ્ટ કર્યું કે પઠાણને જે જમીન પર ગેરકાયદેસર કબ્જો કર્યો છે, તેના પર કબ્જો ચાલુ રાખવાની પરવાનગી આપી શકાય નહીં. આ ચુકાદાથી એ સાબિત થયું કે કાયદો બધા માટે સમાન છે, પછી ભલે તે કોઈ સામાન્ય નાગરિક હોય કે સેલિબ્રિટી.યુસુફ પઠાણ, જેણે 2007 અને 2011માં ક્રિકેટ વર્લ્ડ કપ વિજેતા ભારતીય ટીમનો ભાગ હતા, તાજેતરમાં રાજકારણમાં પ્રવેશ કર્યો છે અને પશ્ચિમ બંગાળની બહેરામપુર બેઠક પરથી લોકસભા સાંસદ તરીકે ચૂંટાયા છે. તેમના આ વિજયને 25 વર્ષ જૂના કોંગ્રેસના ગઢને તોડવા માટે ઐતિહાસિક માનવામાં આવે છે.

રીપોર્ટ વિશાલ પટેલ 9377424645