🪔 પર્યુષણ મહાપર્વ ૨૦૨૫ : જૈનોનું આઠ દિવસીય પાવન તહેવાર શરૂ..

📌 શ્રાવણ વધ બારસથી શરૂ થતો પર્યુષણ મહાપર્વ : સાધના, તપ, ભક્તિભાવ અને ક્ષમાપણાનો પાવન સંદેશ..

જૈન સમાજનો મહાન પર્વ પર્યુષણ મહાપર્વ વર્ષ ૨૦૨૫માં ૨૦ ઓગસ્ટ બુધવારથી શરૂ થવા જઈ રહ્યો છે. આ પર્વ આઠ દિવસ સુધી ઉજવાય છે. દર વર્ષે શ્રાવણ વધ બારસથી શરૂ થતા આ પર્વના સાત દિવસ સાધના અને તપમાં વિતાવાય છે, જ્યારે આઠમો દિવસ સંવત્સરી એટલે કે ક્ષમા આપના દિવસ તરીકે ઓળખાય છે.આ અવસર પર નાના બાળકોથી લઈને વૃદ્ધ સુધીની ભીડ ઉપાશ્રય અને દેરાસરમાં ઉમટી પડે છે. પૂજ્ય ગુરુ ભગવંતોના મુખેથી કલ્પસૂત્ર, બારસા સૂત્ર જેવા પવિત્ર ગ્રંથોનું શ્રવણ, સવારે વ્યાખ્યાન, બપોરે દેવવંદન, બંને સમય પ્રતિક્રમા અને રાત્રે પ્રભુજીની આંગી રચના થાય છે.આઠ દિવસ દરમિયાન દેરાસરોને રીયલ ફૂલો અને સોના-ચાંદી, હીરા-માણેકની આંગીથી શણગારવામાં આવે છે. શ્રાવક અજીતભાઈ મહેતાએ જણાવ્યું હતું કે આ દિવસોમાં અનેક શ્રાવકો ધંધા-રોજગાર બંધ રાખે છે અને બહારગામ જવાનું પણ ટાળે છે.👉 આ પર્વને જૈન સમાજના બાર મહિનાના સૌથી પવિત્ર દિવસો ગણવામાં આવે છે.