📌 ભરૂચમાં કેટરિંગ વ્યવસાયીના હત્યાકાંડથી મચી ચકચાર.

ભરૂચના નંદેલાવ વિસ્તારમાં આવેલી આશીર્વાદ સોસાયટીમાં એક ચકચારી ઘટના સામે આવી છે. અહીં રહેતા કેટરિંગ વ્યવસાયના સંચાલકની અજાણ્યા શખ્સોએ હત્યા કરી નાખી છે.આશીર્વાદ સોસાયટીના બી-૧૩માં રહેતા પ્રકાશ માલીની હત્યા કરાયેલી લાશ મળી આવી છે. મૂળ રાજસ્થાનના વતની પ્રકાશ માલી ‘શ્રી રામદેવ પીર કેટરર્સ’ નામથી કેટરિંગનો વ્યવસાય ચલાવતા હતા. હત્યારાઓએ તેમના હાથ-પગ બાંધીને નિર્દયી રીતે હત્યા કરી નાખી હતી.ઘટનાની જાણ થતાં જ એ ડિવિઝન પોલીસનો કાફલો ઘટનાસ્થળે પહોંચી ગયો હતો. પોલીસે મૃતદેહનો કબજો લઈને પોસ્ટમોર્ટમ માટે મોકલી આપ્યો છે. હત્યા પાછળનું કારણ હજુ સુધી જાણી શકાયું નથી. પોલીસે આ મામલે તપાસ શરૂ કરી દીધી છે.