🌸 ગોકુલ આઠમની ભવ્ય ઉજવણીમાં સુરત ઝૂમી ઊઠ્યું

મંદિરોથી લઈને ગલીઓ સુધી ગુંજ્યા “નંદ ઘેર આનંદ ભાયો”ના જયઘોષ, દહી-હાંડી અને ઝાંખીઓથી સુરત શહેર કાન્હામય બન્યું

આજે સુરત શહેરમાં ગોકુલ આઠમનો પવિત્ર તહેવાર ઉત્સાહ, ભક્તિ અને ધૂમધામ સાથે ઉજવાઈ રહ્યો છે. વહેલી સવારે જ શહેરના મંદિરોમાં ભાવિકોની ભારે ભીડ ઉમટી પડી હતી. લાડકવાયા કાન્હાનો જન્મોત્સવ નિમિત્તે મંદિરોમાં આકર્ષક શણગાર, મંગલ આરતી, ભજન-કીર્તન અને ઝાંખીઓનું આયોજન કરવામાં આવ્યું છે.યુવાનો દ્વારા દહી-હાંડીના કાર્યક્રમોનું આયોજન થતાં ગલીઓમાં હર્ષોલ્લાસ છલકાતો જોવા મળ્યો. ભક્તો પરંપરાગત રીતે તહેવાર ઉજવીને શ્રીકૃષ્ણના જન્મોત્સવને યાદગાર બનાવી રહ્યા છે.સમગ્ર સુરત આજે શ્રીકૃષ્ણમય બની ગયું છે અને “જય કાનૈયાલાલ કી”ના જયઘોષ સાથે ભક્તિમય વાતાવરણ છવાઈ ગયું છે.