પ્રતિબંધિત પ્લાસ્ટિક ની કોથળી માં દારૂ

પ્લાસ્ટિક કોથળીઓ પર પ્રતિબંધ હોવા છતાં તેનું સરેઆમ ઉલ્લંઘન: સ્વચ્છતા અને પ્રદૂષણ મુક્ત શહેર માટે તાત્કાલિક કાર્યવાહી જરૂરી

બારડોલી, સુરત: નામદાર સરકારશ્રી દ્વારા જાહેરમાં પ્લાસ્ટિક કોથળીઓ (થેલી)ના વેચાણ અને ઉપયોગ પર પ્રતિબંધ હોવા છતા શહેરમાં ફરીથી તેનું ઉલ્લંઘન થય રહ્યુ છે. નાના વેપારીઓથી લઈને મોટા વેપારીઓ સુધી, લોકોને ઓછા દરમાં લાલચ આપીને અને નિયમોની અવગણના કરીને પ્લાસ્ટિક કોથળીઓનું વેચાણ જોરશોરથી કરી રહ્યા છે.

વિજ્ઞાનીઓ અને પર્યાવરણ નિષ્ણાતો જણાવે છે કે પ્લાસ્ટિક કોથળીઓ જમીનમાં વિઘટન નહીં થતા જમીન પ્રદૂષણ, પાણીની નિકાસમાં અવરોધ અને ખેતીને નુકસાન પહોંચાડે છે. વધુમાં, પશુઓ આ પ્લાસ્ટિક ખાઈ લેતા જીવલેણ જોખમમાં મુકાય છે, જે માનવ અને પશુજીવન બંને માટે ગંભીર ખતરો ઊભો કરે છે.

સ્થાનિક લોકો અને પર્યાવરણ પ્રેમીઓએ તાત્કાલિક કાર્યવાહી માટે રાજ્ય સરકાર અને જિલ્લા અધિકારીઓને રજૂઆત કરી છે. તેઓ માંગ કરે છે કે બારડોલી શહેરમાં પ્લાસ્ટિક કોથળીઓના જાહેર વેચાણ અને ઉપયોગ પર કડક પ્રતિબંધ લાગુ કરવો અને ભંગ કરનાર વેપારીઓ સામે દંડાત્મક કાર્યવાહી કરવાની ખાતરી આપવામાં આવે.

સ્વચ્છતા અભિયાન હેઠળ સતત ચેતાવણી અને જાગૃતિ કાર્યક્રમો દ્વારા લોકોને પ્લાસ્ટિક મુક્ત જીવનશૈલી અપનાવવા પ્રેરિત કરવું પણ આવશ્યક છે. સ્થાનિક સમુદાયનું માનવું છે કે જો તાત્કાલિક પગલાં લેવામાં આવે, તો બારડોલીને સ્વચ્છ, પ્રદૂષણમુક્ત અને પારિસ્થિતિકી રીતે સુરક્ષિત શહેર બનાવવામાં સફળતા મળી શકે છે.

આ પ્રકરણ દર્શાવે છે કે માત્ર નિયમો જ નહીં, પરંતુ અસરકારક અમલ અને જનજાગૃતિ પણ જરૂરી છે, જેથી પર્યાવરણને સુરક્ષિત રાખી શકાય અને આગામી પેઢીઓને સ્વસ્થ જીવન મળશે.