*વર્ષનું છેલ્લું ચંદ્રગ્રહણ: ૭ સપ્ટેમ્બરે ‘બ્લડ મૂન’, સૂતક કાળ બપોરે ૧૨:૫૭ થી શરૂ થશે*

ભાદરવી પૂનમના દિવસે આ વર્ષનું છેલ્લું ચંદ્રગ્રહણ ૭ સપ્ટેમ્બર, રવિવારના રોજ થવા જઈ રહ્યું છે. આ ખગ્રાસ ચંદ્રગ્રહણ ભારતમાં પણ દેખાશે, અને શનિની કુંભ રાશિમાં શતભિષા નક્ષત્રમાં થશે. આ ગ્રહણ દરમિયાન ચંદ્ર લાલ રંગનો દેખાશે, જેને બ્લડ મૂન કહેવાય છે.ગ્રહણ અને સૂતક કાળના સમય: * ચંદ્રગ્રહણનો સમય: રાત્રે ૦૯:૫૭ થી શરૂ થઈને મધ્ય રાત્રિ ૧૧:૪૬ સુધી રહેશે. * મોક્ષનો સમય: ગ્રહણનો મોક્ષ મોડી રાત્રે ૦૧:૨૭ મિનિટે થશે. * સૂતક કાળનો પ્રારંભ: ગ્રહણ શરૂ થવાના ૯ કલાક પહેલા, એટલે કે બપોરે ૧૨:૫૭ કલાકે સૂતક કાળ શરૂ થશે. * સૂતક કાળનો અંત: મોડી રાત્રે ૦૧:૨૭ મિનિટે ગ્રહણ પૂર્ણ થવાની સાથે જ સૂતક કાળ સમાપ્ત થશે.સૂતક કાળ દરમિયાન શું કરવું અને શું ન કરવું?જ્યોતિષીય માન્યતા મુજબ, સૂતક કાળને અશુભ સમય માનવામાં આવે છે. આ દરમિયાન કોઈ પણ શુભ કાર્ય, પૂજા-પાઠ કે નવા કામની શરૂઆત ન કરવી જોઈએ. મંદિરોના કપાટ પણ બંધ કરી દેવામાં આવે છે. * શું ન કરવું: આ સમયમાં સુવું નહીં, સ્નાન, દાન, કે ભોજન કરવું નહીં. ખાસ કરીને સગર્ભા સ્ત્રીઓએ તીક્ષ્ણ વસ્તુઓ જેવી કે ચપ્પુ, કાતર, સોયનો ઉપયોગ ટાળવો જોઈએ. * શું કરવું: સૂતક કાળ દરમિયાન ઈષ્ટ દેવના નામનો જાપ કરવો શુભ માનવામાં આવે છે. મંત્ર જાપ કરવાથી સિદ્ધિ મળે છે.ગ્રહણ સમાપ્ત થયા પછી:ગ્રહણ અને સૂતક કાળ પૂર્ણ થયા બાદ ઘર અને મંદિરની સફાઈ કરવી જોઈએ. ત્યારબાદ સ્નાન કરીને સ્વચ્છ વસ્ત્રો ધારણ કરવા અને ભગવાનની પૂજા કરવી. રસોડામાં રાખેલા ભોજનમાં તુલસીના પાન મૂકવાથી ગ્રહણનો દોષ દૂર થાય છે. આ ઉપરાંત, ગ્રહણ પછી સ્નાન કરીને દાન કરવું પુણ્યનું કામ ગણાય છે.

ડિસ્ક્લેમર(અહીં આપવામાં આવેલી જાણકારી સામાન્ય માહિતી પર અથવા જે તે નિષ્ણાત જ્યોતિષ પાસેથી લેવામાં આવી છે. દિવ્ય સંદેશ તેની ખરાઈની પુષ્ટિ કરતું નથી. કોઈ પણ સલાહને અનુસરતા પહેલા નિષ્ણાતની સલાહ લેવી જરૂરી છે.)

રિપોર્ટ વિશાલ પટેલ 9377424645