👇”ફડવેલ ગામના ગોડાઉન ફળીયા ખાતે વાજતે ગાજતે ગણપતિ બાપ્પાની સ્થાપના”

ચીખલી તાલુકાના ફડવેલ ગામમાં ભક્તિભાવના સાથે ગણેશ ચતુર્થીનો તહેવાર ઉજવાયો, ઢોલ નગારા, ડીજે અને ફટાકડાના ગજગજતા અવાજ વચ્ચે વિધિવત વિધિપૂર્વક ગણપતિ બાપ્પાની પ્રતિમા સ્થાપના થતા સમગ્ર ગામમાં ભક્તિ અને આનંદનું વાતાવરણ છવાઈ ગયું.

ચીખલી તાલુકામાં આજ રોજ શ્રી ગણેશ ચતુર્થીનો તહેવાર ધામધૂમથી ઉજવાયો હતો. આ પ્રસંગે ફડવેલ ગામના ગોડાઉન ફળીયા ખાતે વાજતે ગાજતે શ્રી ગણપતિ બાપ્પાની વિધિવત સ્થાપના કરવામાં આવી હતી.સવારથી જ ગામના ભાવિક ભક્તો મોટી સંખ્યામાં એકઠા થઈ ગણેશ સ્થાપનામાં જોડાયા અને સમગ્ર વાતાવરણ ભક્તિમય બની ગયું હતું. ડીજે તથા ઢોલ-નગારા સાથે “ગણપતિ બાપ્પા મોરિયા” ના ગુંજતા જયકારાથી ગામમાં આનંદનો માહોલ છવાઈ ગયો હતો.વિધિવત બ્રાહ્મણો દ્વારા મુહૂર્તમાં સ્થાપના કરવામાં આવી હતી. ઢોલ-નગારા અને ફટાકડાની સાથે શ્રી ગણેશજીનું આગમન ગામજનોને અનોખો આનંદ આપી ગયો હતો.આ પ્રસંગે ગામના અગ્રણી તથા તાલુકા પંચાયત સભ્ય મહેશભાઈ પટેલ, સરપંચ ઉષાબેન હરીશભાઈ, સુરેશભાઈ પટેલ તથા જયેશભાઈ ઉપસ્થિત રહી શ્રદ્ધાપૂર્વક સેવા આપી હતી.✍️ રિપોર્ટર : ભુપેન્દ્ર પટેલ, ચીખલી